بسكي ناله دويوننندي سئخدي سس يولوني
يقين كي باغلياجاخ عاقبت نفس يولوني
اسير عشق-وي بنديندن ايلهسن آزاد
توتار قاباغينه باشدان باشا قفس يولوني
يوخي سپاهي گئجه گوژ گتيرسه گؤزلريمه
خيال-وه دييَرم چئخ جداله كَس يولوني
دئدي نگار هارا؟ سن هارا؟ دئديم بيليسن
گولومدي باغلاميري خار و خس يولوني
او عشوهلهنماغي تا يار اولوبدي عصمت-نن
آچيبدي عشقه قاپي باغلئيب هوس يولوني
گواهدير غزليم «ساعد» اول دئميش سؤزووه
كه نالهلر سئخيري هر نفسده سس يولوني
شبکه پیام رادیو ! ساعد باقری
